Gjendja klinike e Papa Françeskut ditët e fundit ka mbetur stabël. Duket se ai po i përgjigjet pozitivisht trajtimeve. Me anë të një njoftimi Vatikan tregon se evidentohet një përmirësim gradual në gjendjen e tij. Gjithashtu ka një përmirësim të vlerave të testit të gjakut, ndërsa funksioni i frymëmarrjes mbetet i qëndrueshëm.
Zyra e Shtypit e Vatikanit njofton gjithashtu se mjekët aktualisht nuk mund të komentojnë zyrtarisht për ecurinë e shëndetit të Papës. Më 14 shkurt, Papa Françesku u shtrua me emergjencë si pasojë e pneumonisë bilaterale e cila i vështirësoi së tepërmi frymëmarrjen.
