Këshilli i Ministrave ka vendosur lirimin nga detyra të Ermal Pacajt, i cili mbante postin e Drejtorit të Përgjithshëm të Shërbimit të Provës.
Vendimi është marrë me propozimin e Ministrit të Drejtësisë dhe është miratuar nga qeveria, duke hyrë në fuqi menjëherë.
Dokumenti është botuar në “Fletoren Zyrtare”.
Njoftimi i Këshillit të Ministrave:
Në mbështetje të nenit 100 të Kushtetutës dhe të pikës 2, të nenit 10, të ligjit nr.78/2020, “Për organizimin dhe funksionimin e Shërbimit të Provës”, të ndryshuar, me propozimin e ministrit të Drejtësisë, Këshilli i Ministrave
V E N D O S I:
Z. Ermal Pacaj, drejtor i Përgjithshëm i Shërbimit të Provës, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
