Policia e Shtetit në bashkëpunim me SPAK kanë ndërmarrë një operacion të gjerë në Sarandë për goditjen e një grupi të dyshuar për trafik droge, hetimet ndaj të cilit kanë nisur që prej vitit 2020.
Prej orëve të para të mëngjesit, forcat policore kanë kryer kontrolle në disa banesa dhe kanë shoqëruar disa persona. Mësohet se janë shoqëruar 3 persona në Sarandë, si dhe 9 persona në Delvinë.
Operacioni ka nisur në orët e para të mëngjesit dhe janë sekuestruar disa celularë që dyshohet se përdoreshin për aktivitetin kriminal.
