Autoritetet gjarmane kanë përjashtuar mundësinë për sulm terrorist në Mannheim të Gjermanisë. Autori, një 40-vjeçar nga Ludwigshafen i Rheinland-Pfalz, i cili vuan nga sëmundje mendore dhe ndodhet i shtruar në spital me plagë të rënda, pasi gjatë arrestimit ka qëlluar veten në gojë me një pistoletë.
Në një konferencë për shtyp, prokurori i lartë Romeo Sisler konfirmoi se autori i krimit i është nënshtruar më parë trajtimit për probleme të shëndetit mendor, ndërsa tha se punon si kopshtar, nuk ka fëmijë dhe është beqar. Sipas ministrit të Brendshëm të Baden-Württemberg, Thomas Strobl, autori nuk njihej për ndonjë shkelje apo lidhje të mundshme me qarqet terroriste ose ekstremiste.
Megjithëse në vitin 2018 ai ishte hetuar nga autoritetet me dyshimin për përdorimin e simboleve të organizatave antikushtetuese të lidhura me gjuhën e urrejtjes. Megjithatë, motivi i tij mbetet i paqartë dhe po shqyrtohen të gjitha mundësitë, por nuk besohet se akti ka lidhje me sulm terrorist.
“Motivi duhet kërkuar më shumë në personalitetin e autorit”, theksoi Strobl.
Videot që qarkullojnë në internet nga incidenti tregojnë dhjetëra qytetarë të tmerruar që vrapojnë në panik nëpër rrugë, ndërsa të tjerë largohen nga ndërtesat një nga një. Dëshmitarët okularë përshkruan skena tronditëse, me njerëz të shtrirë në tokë. Një dëshmitar, i cili ishte në një restorant në atë zonë, tha ferri mbizotëroi, me qytetarët që vraponin të tmerruar dhe policia që vërshonte në zonë, madje edhe në çatitë e ndërtesave.
Incidenti i shtohet një sërë sulmesh që kanë tronditur Gjermaninë muajt e fundit. Deri më tani, autoritetet gjermane nuk kanë konfirmuar nëse incidenti në Mannheim ishte një sulm terrorist. Megjithatë, për shkak të historisë së sulmeve të ngjashme, policia qëndron në gatishmëri të lartë dhe vijon hetimet për motivet e autorit.
