Një polic i burgut të sigurisë së lartë të Burrelit dyshohet se ka qëlluar veten me armën e shërbimit. Mësohet se efektivi me iniciale S. N. rreth 54 vjeç është dërguar në spitalin e Burrelit dhe gjendja e tij është kritike pasi ka marrë plumb në kokë.
Dyshohet se ngjarja ka ndodhur në banesën e policit. Grupi hetimor ka shkuar në vendngjarje për të zbardhur se cili ka qenë shkaku i vetëplagosjes.
Informacion paraprak:
Rreth orës 07:00, të mëngjesit të sotëm, në qytetin e Burrelit, dyshohet se është vetëplagosur me armë zjarri pistoletë në banesë shtetasi S.K., rreth 54 vjeç, punonjës policie i burgjeve. 54-vjeçari është transportuar për ndihmë mjekësore në spital në gjendje të rëndë shëndetësore.
Grupi hetimor në drejtimin e Prokurorisë po punon për sqarimin dhe zbardhjen e plotë të rrethanave të kësaj ngjarjeje.
