Prokuroria e Posaçme, me vendim të GJKKO, ka sekuestruar 1,2 milionë euro pasuri të një 42-vjeçari me precedentë penalë, i cilësuar edhe si kreu i grupit kriminal që akuzohet për mashtrim kompjuterik me bursa.
Janë sekuestruar 4 pasuri të paluajtshme: 1 apartament, 2 vendparkime për automjete dhe 1 subjekt tregtar, pasuri të cilat dyshohet se rrjedhin nga veprimtaria kriminale e 42-vjeçarit, në fushën e mashtrimit kompjuterik, në bursa. Materialet procedurale iu referuan SPAK-ut, për veprime të mëtejshme.
