Një aksident ka ndodhur mëngjesin e sotëm në Lushnjë, në afërsi të poliklinikës në qendër të qytetit, ku ka mbetur i lënduar një person.
Mjeit i drejtuar nga një shtetase rreth 56 vjeç, ka përplasur një kalimtar teksa dilte nga vendi i parkimit.
Ajo raportohet se ka hipur mbi trotuar dhe pasi ka marrë para një tezgë në trotuar, ndërsa ka goditur dhe qytetarin. I lënduar ka mbetur një 70-vjeçar dhe pasi është mjekuar nga mjekët e poliklinikës është dërguar me ambulancë në spitalin e Lushnjes.
Policia ka mbërritur në vendngjarje dhe po heton shkaqet e aksidentit. Sipas deklaratave të drejtueses së mjetit, ajo në momentin që po dilte nga parkingu ka ngatërruar pozicionin e marshit dhe në vend të lëvizte pas, ka lëvizur përpara duke shkaktuar aksidentin.
