Policia e Fierit ka arrestuar dy 24-vjeçar nga Roskoveci pas një aksidenti të rëndë të ndodhur mbrëmjen e djeshme. Ata përplasën me automjetet e tyre 31 bagëti të imëta dhe dy çobanë. Si pasojë e aksidentit, një prej çobanëve, shtetasi me iniciale F. G., 79 vjeç, humbi jetën, ndërsa K. H., 32 vjeç, mbeti i plagosur dhe po trajtohet në spital. Autoritetet po hetojnë rrethanat e ngjarjes.
"Në vijim të informacionit të dhënë mbi aksidentin e mbrëmshëm, informojmë se specialistët e Sektorit të Qarkullimit Rrugor arrestuan në flagrancë shtetasit Q. M., 24 vjeç dhe L. M., 24 vjeç, të dy banues në Roskovec, pasi me automjetet që drejtonin, kanë përplasur 31 bagëti të imëta që lëviznin në fshatin Suk 1, Roskovec, si dhe 2 çobanët që ruanin bagëtitë, shtetasit F. G., 79 vjeç dhe K. H., 32 vjeç. Si pasojë, ka humbur jetën 79-vjeçari, si dhe është dëmtuar shtetasi K. H., i cili ndodhet në spital, në kujdesin e mjekëve", njofton policia.
