Zëvendëspresidenti i SHBA, JD Vance, sekretari i Shtetit i SHBA, Marco Rubio dhe Presidenti ukrainas Volodymyr Zelensky, janë takuar ditën e sotme në margjinat e Konferencës së 61-të të Sigurisë së Mynihut, në Mynih, Gjermania jugore.
Sipas mediave të huaja, ka qenë një zëdhënës i Presidentit Zelensky që ka dhënë lajmin, teksa bëhet me dije se bisedimet po zhvillohen në bodrumin e një hoteli me pesë yje në një zonë malore qytetit, rreth 5 km (3 milje) nga Konferenca e Sigurisë në Mynih, ku të dy udhëheqësit folën më herët sot.
Ne ende nuk kemi dëgjuar se çfarë po diskutojnë Vance dhe Zelensky, por çështja kryesore është përfundimi i luftës në Ukrainë,.
Kujtojmë se Vance gjatë fjalimit të tij në Mynih, kritikoi vendet e Bashkimit Europian dhe Britaninë e madhe për nivelin e demokracisë, që sipas tij është në rënie.
Ai tha gjithashtu se Rusia nuk është kërcënim, por sipas Vance, Europa duhet ta kërkojë kërcënimin për sigurinë brenda vetes.
Deklaratat e tij nuk u pritën mirë nga liderët e Bashkimit Europian, një pjesë e të cilëve reaguan pas fjalës së tij.
