Sikundër Lapsi.al raportoi paraditen e sotme, Belinda Balluku zgjodhi të mos merrte pjesë në mbledhjen e Grupit Parlamentar të Partisë Socialiste, ku Edi Rama hodhi akuza ndaj SPAK dhe mori në mbrojtje Erion Veliajn e Ajola Xoxën.
Në këtë foto që shihni nga mbledhja e sotme, karrigia e Ballukut krah Taulant Ballës qëndron bosh.
Nuk dihet pse zv.kryeministrja zgjodhi të vepronte kështu. Ishte injorim ndaj hallit të Veliajt apo ishte dakordësuar më parë me Edi Ramën që të vinte në Kryesinë e Kuvendit.
Balluku nuk ka qenë jashtë shtetit apo në ndonjë event tjetër siç mëson Lapsi.al
Lufta e heshtur Veliaj-Balluku nuk është më një sekret në PS dhe politikën shqiptare. Ndoshta gjesti i sotëm për të injoruar vajtimet e Ramës ndaj Veliajt e rikonfirmon edhe njëherë luftën e heshtur të dyshes Balluku-Veliaj. Së paku deri më tani, duket se Balluku është e fituar. ©LAPSI.al
