Policia gjeorgjiane arrestoi dy liderë të opozitës gjatë një proteste kundër partisë në pushtet të dielën. Vendi i Detit të Zi është tronditur nga protesta masive të përditshme që kur partia Ëndrra Gjeorgjiane pretendoi fitoren në zgjedhjet parlamentare të tetorit të refuzuara nga opozita si të manipuluara, shkruan The Guardian.
Të dielën, policia arrestoi kreun e partisë liberale pro-evropiane Akhali, Nika Melia dhe ish-kryebashkiakun e Tbilisit, Gigi Ugulava, një figurë e shquar e opozitës. Arrestimet, të dënuara nga kryediplomati i BE-së, u bënë ndërsa mijëra demonstrues u përpoqën të bllokonin hyrjen e autostradës në kryeqytet, Tbilisi. Kritikët e saj e akuzojnë qeverinë për kthimin demokratik dhe për afrimin e Tbilisit me Rusinë.
Njoftimi i kryeministrit, Irakli Kobakhidze më 28 nëntor se kabineti i tij nuk do të ndiqte hapjen e bisedimeve të anëtarësimit në BE me Brukselin deri në vitin 2028, nxiti më tej demonstratat.
