Kryetari i partisë Mundësia, Agron Shehaj, në fjalën e tij në miting në Itali se ka zgjidhje për problemet e Shqipërisë ka, por me një kusht.
"Kushti eshte: te kemi nje qeveri dhe nje kryeminister te pakorruptuar. Ky eshte objektivi i Partise Mundesia! Nuk jemi këtu për të bërë kompromis. Nuk jemi këtu për të bërë pazar me politikanët e vjetër.
Rrugetimi yne nuk do te jete i lehte! Do te kerkoje pune, sakrifice dhe kembengulje.
Por ne do ia dalim! Do ia dalim sepse kemi të drejtë! Do ia dalim sepse kemi një vizion të qartë! Do ia dalim sepse shqiptarët kërkojnë ndryshim të vërtetë!
E ardhmja e Shqipërisë është në duart tuaja!" - deklaroi Shehaj nga fjalimi në Itali.
Kreu i partisë Mundësia thekson se shqiptarët janë të jashtëzakonshëm kur u jepet mundësia. Ai shtoi se duhet të marrë fund emigrimi masiv, duke shtuar se duhet të bëjmë një atdhe më të mirë.
"Unë kam punuar e studiuar këtu dhe e di që në Itali nuk ka kompromise. Sot jemi këtu bashkë për një arsye të madhe, një Shqipëri më të mirë për të gjithë. Kam sakrifikuar shumë që të arrij këtu ku jam, unë jam një prej jush. Shqiptarët nuk dorëzohen, kur ju jepet mundësia ata janë të jashtëzakonshëm. Vendosa të kthehem në Shqipëri, për ëndrrën tonë të përbashkët, që të ndërtojmë një ditë të ardhmen tonë në atdheun e përbashkët.
Shqiptarët nuk duhet që të ikin nga vendi, ata duhet të kenë mundësi për jetë më të mirë në vendin ku lindën dhe u rritën. Klasa politike shqiptare ka dështuar, ka luftuar për kolltuqet personale e është koha t’i largojmë. Janë thjesht të babëzitur me mentalitet komunist që gënjejnë qytetarët. Do çlirojmë ekonominë nga qeveritarët e korruptuar." - deklaroi Shehaj.
