Kreu i PD-së Sali Berisha njofton se më datë 9 shkurt do të zhvillojë takim me diasporën shqiptare të Romës në Itali.
Përmes një postimi në faqen zyrtare të PD-së në Facebook njoftohet se kryetari i Partisë Demokratike të Shqipërisë, Sali Berisha do të zhvillojë takim me diasporën shqiptare në Romë, Itali, datë 9 Shkurt.
Takimi do të mbahet në ERGIFE PALACE HOTEL, Largo Lorenzo Mossa, 8, 00165, Roma RM.
Kujtojmë se pak ditë më parë Sali Berisha mori leje nga SPAK për të udhëtuar në Gjermani për të marrë pjesë në Kongresin Elektoral të CDU.
Gjatë konferencës me gazetarët, Berisha tha sot është i ftuar për të marrë pjesë si kryetar partie në kongresin elektoral të CDU-së.
Për sa i përket takimit me diasporën shqiptare në Romë, nuk dihet ende nëse mbledhja do të mbahet vertikalisht ose me pjesëmarrjen fizike të kryedemokratit.
Sakaq Berisha është i vendosur që të marrë sa më shumë vota nga diaspora për zgjedhjet parlamentare që do të mbahen më 11 maj.
Postimi në Facebook:
Kryetari i Partisë Demokratike të Shqipërisë, Prof. Dr. Sali Berisha takim me diasporën shqiptare, Romë, Itali.
Datë 9 Shkurt
Ora 13:00
ROMË
ERGIFE PALACE HOTEL, Largo Lorenzo Mossa, 8, 00165, Roma RM
DIASPORA ZGJEDH ATDHEUN
