Dy të mitur qëlluan me thikë një 14-vjeçar në Pars pasi ky i fundit nuk pranoi tu jepte telefonin. Siç raportohet 16 dhe 17-vjeçari e kanë qëlluar për vdekje pasi ai i ka kundërshtuar.
“Ndërsa djali i ri po largohej nga praktika e futbollit në mbrëmje, dy persona i kërkuan numrin e telefonit”, tha prokuroria.
Mediat e huaja shkruajnë se kur ai nuk pranoi ta dorëzonte, ata e goditën me thikë në shpatull. Një shoku i tij që ndodhej në vendngjarje i ka dhënë ndihmën e parë dhe ka qenë ai që ka ndihmuar autoritetet për identifikimin e autorëve.
"Ky është tmerr absolut," tha ndër të tjera Jean-Pierre Lecoq, kryebashkiak i qarkut të 6-të të Parisit.
Janë arrestuar dy të miturit, banues në Paris. 14-vjeçari u dërgua në spital, por pasditen e sotme iu nënshtrua plagëve të marra. Akuza ndaj dy të miturve, tentativë zhvatje që çoi në vdekjen e viktimës, dënohet me burgim të përjetshëm. Sipas prokurorisë, dy të miturit ishin tashmë të njohur për organet e akuzës për vjedhje dhe krime të tjera dhe në vjeshtë u ishte ndaluar çdo kontakt me njëri-tjetrin.
