Një aksident është regjistruar paraditen e kësaj të mërkure në aksin rrugor Lezhë- Shkodër. Dy automjete janë përplasur me njëra -tjetrën pranë kryqëzimit të Blinishtit, në rrethana ende të paqarta.
Si pasojë e aksidentit ka mbetur e plagosur drejtuesja e njerës prej automjeteve, e cila mësohet se është nisur në Spitalin Rajonal të Lezhës për ndihmë mjekësore, dhe ende nuk dihet si paraqitet gjendja e saj. Policia ndodhet në vendgjarje dhe po punon për zbardhjen e plotë të shkaqeve të aksidentit.
