Presidenti i Turqisë, Recep Tayip Erdogan shpalli zinë kombëtare pas tragjedisë së ndodhur në resortin e skive, aty ku nga flakët e zjarrit humbën jetën 66 persona si dhe u plagosën 51 të tjerë.
Pasi mblodhi Këshillin e Ministrave në Ankara, Erdogand theksoi se ka nisur një hetim gjyqësor dhe administriv për shkaqet e zjarrit.
“Në fazën e parë u arrestuan katër persona, mes të cilëve edhe pronari i biznesit ku ndodhi tragjedia.
E them qartë dhe pa mëdyshje njëherë e përgjithmonë: Ata që shkaktuan një fatkeqësi të tillë, ata që treguan neglizhencë dhe faj, do të mbajnë përgjegjësi para ligjit”, u shpreh Erdogan.
