Benjamin Netanyahu tha se Izraeli nuk do të vazhdojë me marrëveshjen e armëpushimit derisa të marrë një listë të 33 pengjeve të rrëmbyer nga Hamasi në fazën e parë të marrëveshjes.
“Nuk do të ecim përpara me marrëveshjen derisa të marrim listën e pengjeve që do të lirohen, siç është rënë dakord. Izraeli nuk do të tolerojë shkeljet e marrëveshjes. Përgjegjësia e vetme është e Hamasit ”, tha Netanyahu.
33 nga 98 pengjet e mbetura izraelite të rrëmbyer nga Hamasi pritet të lirohen në këtë fazë, sipas Reuters. Në këmbim, Izraeli do të lirojë rreth 2000 palestinezë që aktualisht janë të ndaluar nëpër burgje të shumta.
