Cardi B me sa duket akuzoi burrin e saj të larguar, Offset, dhe nënën e tij, Latabia Woodward, se e grabitën atë gjatë një transmetimi të drejtpërdrejtë të X Spaces të martën.
"Unë nuk po dëgjoj pasi ti dhe mamaja jote më grabitën. Të thashë që të mos luaje më me mua" tha krijuesja e hitit "Bongos", për Billboard. “Po, ti dhe nëna jote më grabitët.
Cardi nuk dha asnjë detaj shtesë mbi grabitjen e supozuar. Megjithatë, ajo akuzoi më tej reperin Migos – nga i cili kërkoi divorc në korrik 2024 – se nuk kishte blerë asnjë dhuratë për Krishtlindje për tre fëmijët e tyre.
“E more vajzë për herë të parë këtë vit, dje. Të porsalindurën", pohoi reperi i “I Like It”, duke iu referuar vajzës së tyre 4 muajshe që lindi në shtator. Çifti i ndarë ka edhe vajzën Kulture, 6 vjeç dhe djalin Wave, 3 vjeç.
“Ti i do shumë fëmijët dhe nuk i ke blerë dhurata për Krishtlindje. Porerdhe në Nju Jork për të blerë dhurata për fëmijët e tu të tjerë,” vazhdoi Cardi.
Cardi deklaroi se “s’mund as të shijonte fitoret e veta sepse ndihej sikur ai po kalonte disa vështirësi”. “Dhe kjo është gjëja më e sinqertë që dikush mund të bëjë për ty. Dikur lutesha për këtë njeri përpara se të lutesha për veten. Dhe ai i poshtri kishte guximin të thoshte se po ‘garoja’ me të”.
Debati erdhi disa ditë pasi ata u ribashkuan për pak kohë për të festuar ditëlindjen e reperit "Clout" në Miami.
