Detaje të reja dalin nga ngjarja e rëndë në fshatin Zall-Bastar, ku 81-vjeçari Xhemal Meta u gjet i pajetë në oborrin e banesës ditën e hënë.
Nga ekzaminimi mjeko-ligjor ka rezultuar se viktima kishte dëmtime në pjesën e pasme të kokës, të dyshohet se janë shkaktuar nga goditje me sende të forta.
Policia po punon për përcaktimin rrethanave të ngjarjes dhe shkaqeve të humbjes se jetës së 81-vjeçarit, ndërsa janë referuar materialet në Prokurori për veprën penale “Vrasje me dashje”.
Njoftimi i policisë:
Në vijim të informacionit të dhënë me datë 13.01.2025, i cili bën fjalën për gjetjen pa shenja jete të shtetasit Xh.M, në oborrin e banesës së tij, në Zall-Bastar, ju bëjmë me dije se:
Nga tërësia e veprimeve hetimore paraprake si dhe ekzaminimit mjeko-ligjor ka rezultuar se shtetasi Xh.M, ka dëmtime në pjesën e pasme të kokës, të dyshuara të shkaktuara nga goditje me sende të forta.
Paraprakisht, në lidhje me këtë ngjarje nga ana e DVP Tiranë, janë referuar materialet në Prokurori, për veprën penale “Vrasje me dashje” parashikuar nga neni 76 i kodit penal.
Vijon puna nën drejtimin e Prokurorisë, për dokumentimin e plotë ligjor dhe për përcaktimin rrethanave konkrete të ngjarjes dhe shkaqeve të humbjes se jetës së shtetasit Xh.M.
