Mbrëmjen e kësaj të shtune një aksident i rëndë ka ndodhur në rrugën e “Kishës së Laçit”. Një drejtues automjeti ka humbur kontrollin dhe si pasojë ka dalë nga rruga duke përfunduar rreth 70 metra poshtë. Brenda mjetit ndodhej një çift, të cilët kanë pësuar dëmtime të rënda si pasojë e përplasjes.
Sipas raportimeve paraprake, automjeti dyshohet se ka dalë nga kontrolli për shkak të një manovre të gabuar ose problemeve teknike, duke rënë në humnerë pranë një shtëpie. Ishin banorët e shtëpisë që arritën të nxjerrin çiftin nga mjeti i dëmtuar rëndë dhe më pas i mori ambulanca. Grupi hetimor po punon për sqarimin e rrethanave dhe shkakut të aksidentit.
