Një aksident ka ndodhur mbrëmjen e sotme në qendër të qytetit të Beratit. Një makinë ka humbur kontrollin dhe ka marr para mbajtëset metalike të rrugës dhe është përplasur me një shtyllë. Fatmirësisht nuk ka pasur asnjë kalimtar të lënduar.
Fouristrada e aksidentuar po qarkullonte me shpejtësi në drejtim të gjykatës, kur ka rrëshqitur dhe është përplasur me një shtyllë. Pas përplasjes, drejtuesi i mjetit e ka lënë makinën dhe është larguar nga vendngjarja. Në vendngjarje ndodhen forcat e policisë që po kryejnë edhe veprimet e para hetimore. Burimet zyrtare të policisë konfirmojnë se është identifikuar emri i pronarit të mjetit, por nuk dihet ende nëse ka qenë ai në drejtimin e mjetit apo jo.
