Një burrë i armatosur me thikë u arrestua nga policia në Belgjikë të hënën në mëngjes jashtë zyrës së kryeministrit, Alexandre de Croix, në Bruksel.
“Një burrë me thikë u neutralizua nga policia ushtarake”, tha një zëdhënës i kryeministrit. “I arrestuari u dërgua në komisariat. Nga ngjarja nuk janë lënduar oficerët e policisë ushtarake”, shtoi ai.
Policia lokale konfirmoi arrestimin, duke theksuar se burri kishte kërcënuar personelin ushtarak. Sipas mediave lokale, motivi i tij ende nuk është bërë i ditur, shkruan Politico.
Siç është raportuar nga zëdhënësi i kryeministrit belg, De Croix ishte “i tronditur nga incidenti”.
“Ne dëshirojmë të shprehim falënderimet tona për oficerët e policisë ushtarake. Po monitorojmë nga afër situatën me policinë. Jemi të lehtësuar që askush nuk u lëndua në incident”, tha De Cro përmes zëdhënësit të tij.
