Një avion i vogël u rrëzua në një ndërtesë tregtare në Kaliforni të enjten, duke vrarë të paktën dy persona dhe duke plagosur 18 të tjerë.
Përplasja ndodhi herët pasdite pranë aeroportit komunal Fullerton, 25 milje (40 kilometra) në juglindje të Los Anxhelosit. Shkaku mbetet i panjohur.
Gjithashtu, 10 persona u shtruan në spital dhe tetë të tjerë u trajtuan në vendngjarje.
Hetuesit nuk e dinë ende nëse vikitmat ishin pasagjerë të avionit apo nëse ishin punëtorë në ndërtesën ku u rrëzua.
Kongresmeni Lou Correa, i cili përfaqëson zonën e Orange County, rreth 25 milje (40 km) në jug të Los Anxhelosit, tha se ndërtesa që u godit është një biznes prodhimi mobiljesh. Rreth 100 njerëz u evakuuan nga fabrika e mobiljeve.
Ky është avioni i dytë që rrëzohet në zonë në dy muajt e fundit, sipas mediave amerikane. Më 25 nëntor, një aeroplan tjetër u përplas me një pemë afërsisht një bllok larg nga përplasja e fundit, raporton BBC.
