Një plagosje ka ndodhur pasditen e sotme në Tiranë, ku një 34-vjeçar ka goditur me mjet prerës komshiun dhe ka qëlluar me mjete të forta një djalin e tij pas një konflikti për motive të dobëta.
Dy të plagosurit, babë e bir, ndodhen në spital për kujdes mjekësor, teksa autori është shpallur në kërkim.
Njoftimi i Policisë:
"Më datë 01.01.2025, rreth orës 16:15, në rrugën “Shyqyri Ishmi”, gjatë një konflikti për motive të dobëta,në hyrje të pallatit ku banojnë, shtetasi K.Th, 34 vjeç, ka dëmtuar me një mjet prerës komshiun e tij, shtetasin M.N, dhe me sende të forta shtetasin A.N.
Shtetasit A.N dhe M.N(babë e bir), ndodhen në spital, nën kujdesin e mjekëve.
Shërbimet e Policisë vijojnë kontrollet me qëllimin kapjen e autorit.
Grupi hetimor po punon për sqarimin e rrethanave të ngjarjes."
