Një 28-vjeçar është arrestuar nga policia e Shijakut dhe një tjetër është shpallur në kërkim pasi kërcënuan me thikë dy persona dhe u morën celularët. Blutë po ashtu bëjnë me dije se 28-vjeçari në kërkim ka thyer masën e sigurisë ‘Arrest në shtëpi’.
“Kanosën me mjetë prerës (thikë) dy shtetas, dhe u morën celularët, ndërhyrja në kohë e Policisë identifikoi dhe çoi në pranga një prej autorëve, si dhe u shpall në kërkim autori tjetër i cili kishte thyer masën e sigurisë “Arrest në shtëpi”.
Specialistët për Hetimin e Krimit në Komisariatin e Policisë Shijak arrestuan në flagrancë shtetasin O. K., 28 vjeç, banues në Shijak, dhe shpallën në kërkim shtetasin F. Ç., 28 vjeç, banues në Shijak.
Këta shtetas në parkingun e një lokali në fshatin Borakë, Njësia Administrative Xhafzotaj, nën kërcënimin e një mjeti prerës (thikë), kanë kërcënuar dy shtetasit H. K, dhe E. D, duke ju marrë telefonat, dhe më pas janë larguar me një automjet tip benz. Në cilësinë e provës materiale Policia sekuestroi automjetin tip benz i përdorur nga autorët e ngjarjes. Materialet procedurale i kaluan Prokurorisë Durrës, për veprime të mëtejshme.”, informoi policia.
