“NATO do të forcojë praninë e saj ushtarake në Baltik,” tha sot Sekretari i Përgjithshëm i NATO-s, Mark Rutte, ndërsa Finlanda dyshon se një cisternë ruse është përgjegjëse për këputjen e kabllos nënujore të energjisë EstLink 2 që lidh Estoninë me Finlandën.
BE dhe NATO qëndrojnë pranë Finlandës dhe Estonisë për ‘sabotimin’ e kabllos ‘Estilink 2’
Mark Rutte zhvilloi një bisedë me presidentin e Finlandës, Alexander Stubb, për “sabotimin e mundshëm të kabllove nëndetëse”.
“Unë shpreha solidaritetin dhe mbështetjen time të plotë. NATO do të forcojë praninë e saj ushtarake në Baltik”, shkroi Mark Rutte në X.
