Sulmỉ terrorỉst që ndodhi në Magdeburg të Gjermanisë me 11 vỉktỉma dhe mbi 60 të plagosur ka tronditur jo vetëm këtë vend, por pothuajse të gjithë Europën. Një automjet i marrë me qera nga një 50-vjeçar i lindur në Arabinë Saudite me profesion mjek, hyri në një treg Krishtlindjesh duke marrë zvarrë njerëzit për gati 400 metra.
Në një reagim të saj ministria për Europën dhe Punët e Jashtme thotë se nga të dhënat paraprake nuk raportohet që mes viktimave apo të lënduarve të ketë shqiptarë.
“I tronditur thellë nga lajmi i sulmit mizor në Magdeburg që ka lënë dhjetëra familje të shkatërruara gjatë asaj që duhet të jetë një sezon i gëzueshëm. Zemrat tona janë për viktimat, familjet e tyre dhe popullin gjerman gjatë kësaj kohe të vështirë” – shkroi ministri i jashtëm Igli Hasani në “X”.
"Vërtet i tmerruar nga sulmi terrorist në Magdeburg, duke marrë jetë të pafajshme dhe duke plagosur shumë gjatë festimeve të Tregut të Krishtlindjeve. Shqipëria qëndron në solidaritet me Gjermaninë në këtë moment të dhimbshëm dhe ne mbetemi të bashkuar kundër terrorizmit dhe ekstremizmit të dhunshëm🇦🇱" - shkroi edhe kryeministri Edi Rama. ©LAPSI.al
