Paqëndrueshmëria atmosferike që ka përfshirë vendin tonë do të vijojë deri në orët e mëngjesit të ditës së shtunë.
Shërbimi Meteorologjik Ushtarak parashikon reshje shiu me intensitet të ulët deri mesatar, deri në orët e mëngjesit të ditës së shtunë. Në relievet malore, në verilindje priten reshje bore me intensitet të ulët.
Të dielën do të ketë përmirësim të përkohshëm të kushteve atmosferike, ku moti parashikohet të jetë me alternime vranësirash dhe kthjellimesh.
Era pritet të fryjë nga kuadrati i veriut me shpejtësi mesatare deri në 7m/sek, ndërsa përgjatë vijës bregdetare e lugina deri në 16-20m/sek.
