Projektligji i Partisë Socialiste për faljen e gjobave ka kaluar në Komisionin e Ekonomisë, ndërsa të enjten pritet të miratohet edhe në Kuvend.
Pas diskutimeve të ditës së sotme, projektligji u votua nga deputetët socialistë të Komisionit. Ndërkohë në seancën plenare të së enjtes pritet të zhvillohen debate lidhur me projekt, pasi opozita akuzon mazhorancën se po e përdor për vota.
Sipas mazhorancës projektligji do të anullojë të gjitha gjobat e vendosura për ndërtimet për strehime, për qëllime të punës në bujqësi dhe blegtori. Gjithashtu përfshihet edhe anullimi i të gjitha gjobave të vendosura gjatë pandemisë nga 1 janar 2015 deri në 30 nëntor 2024. Pas miratimit në Kuvend, ligji do të hyjë në fuqi prej fundit të këtij muaji.
