Lapsi Video

Aplikacioni

Android iOS
Flash

Godet keq, Van de Streek rrëzon një stjuart: topi i thyen stolin ku ishte ulur

Lapsi.al 16 December 2024
Godet keq, Van de Streek rrëzon një stjuart: topi i thyen stolin ku
Antalyaspor fitoi ndeshjen e vlefshme për Superligën turke kundër Kayserispor, duke rigjallëruar ambiciet e saj për klasifikimin, pavarësisht garës së ashpër mes Galatasaray dhe Fenerbahçes për titull. Një ndeshje e fituar 2-0, ku një nga protagonistët ishte edhe Sander van de Streek. Sulmuesi holandez, në moshën 31-vjeçare, shënoi golin e tij të parë në kampionat pas 13 paraqitjesh. Ky gol çeli ndeshjen dhe i dha epërsinë ekipit vendas, që më pas e vulosi fitoren me golin e dytë nga Soner Dikmen. Por kjo nuk ishte e vetmja ngjarje që e bëri ditën e veçantë për sulmuesin holandez, i cili më parë ka luajtur edhe për skuadrat Vitesse dhe Utrecht. Në fillim të pjesës së dytë, pas shënimit të golit të parë, Van de Streek u përpoq të shënonte edhe golin e dytë për vete dhe ekipin. Duke lëvizur nga e majta drejt qendrës, ai krijoi hapësirë për të gjuajtur me të djathtën, por goditja e tij përfundoi shumë larg portës. Topi, me një fuqi të madhe, goditi plotësisht këmbët e stolit ku ishte ulur një punonjës sigurie.

Episodi viral që përfshiu punonjësin e sigurisë

Skena u bë menjëherë virale. Topi përfundoi te këmbët e stolit ku punonjësi i sigurimit, i kthyer me shpinë nga fusha, po vëzhgonte tifozët. Goditja e fuqishme shkatërroi stolën, duke e rrëzuar atë në tokë. Megjithatë, ai u ngrit menjëherë duke buzëqeshur, pavarësisht nga përplasja. Për fatin e tij të mirë, siç tregojnë pamjet, ai kishte kthyer kokën për një çast drejt fushës dhe kishte parë gjuajtjen e Van de Streek që po afrohej me shpejtësi drejt tij.

Reagimi i Van de Streek pas incidentit

Në një farë mënyre, ai kishte kohë për t’u përgatitur për goditjen, por nuk arriti të shmangte topin që goditi dhe shkatërroi këmbët e stolit. Për fat të mirë, nuk pati pasoja serioze, dhe punonjësi i sigurimit vazhdoi të buzëqeshte. Pas ndeshjes, Van de Streek, i intervistuar nga Bein Sports, foli edhe për këtë incident, duke iu përgjigjur pyetjes së një gazetari nëse e kishte vënë re çfarë kishte ndodhur në fillim të pjesës së dytë. “Më vjen keq. Nuk e kisha vënë re fare,” tha lojtari me një buzëqeshje të vogël dhe shtoi: “Shpresoj që tani të jetë mirë.”

Të këshilluara

ide

Keqkuptimi kryeministror mbi anti-korrupsionin

Fakti që asnjë institucion i administratës sonë publike nuk vuri re se u investuan miliona euro në inceneratorë fantazëm, se AKSHI kontrollohej nga një kriminel ordiner, se drejtorët e Bashkisë së Tiranës ia jepnin tenderat vetes, apo se drejtori i policisë dhe drejtoresha e SHISH punonin për Gysin, tregon se nuk kemi administratë publike dhe shtet

09:35 Blendi Kajsiu

Ana pozitive e ankthit prej të pandehuri të Edi Ramës

Paketa e ndryshimeve drastike në Kodin e Procedurës Penale, ndonëse buron nga halli i kryeministrit për të mbrojtur veten dhe bashkëpuntorët, krijon një mburojë tejet të gjërë për qytetarët, ndaj një drejtësie gjithnjë e më represive

13:23 Andi Bushati

MOTI TIRANA

12°c

KËMBIMI EURO

91.90

aktuale

Ndiqe Lapsin edhe në

Me interes nga publiku

Tek parku Rinia, një tjetër kullë që rivret qytetin

Lubonja: “Mund të konsiderohet si kulm në kuptimin e shkatërrimit urbanistik të qytetit, që përkon edhe me një kulm në kuptimin psikologjik të delirit të omnipotencës së Edi Ramës, me një kulm të babëzisë së oligarkëve që do të përfshihen aty dhe me një kulm të paturpësisë para qytetarëve të Tiranës të arkitektëve të Albanian Files,”

11:25 Blerina Gjoka

Me sytë katër

SPORT

Të tjerë artikuj

PAPARAZZI