Ditën e sotme zhvillohet seanca për autorët e dyshuar të vrasjes së të miturit në Gramsh, Fation Bici, në Gjykatën e Apelit Tiranë. Autori i dyshuar dhe një nga bashkëpunëtoret janë lënë në arrest shtëpie, për shkak se u tejkaluan afatet.
Bici u vra me thikë më 16 maj 2023 vetëm pak metra larg shkollës, në lulishten e qytetit të Gramshit. Katër autorët e dyshuar rreth moshës 15-16 vjeç, i bënë pritë kushëririt të Fatjon Bicit, me të cilin ishin konfliktuar në rrjete sociale.
Të pajisur me thika dhe doreza forcuese grushti sulmuan kushëririn e Fatjonit, ndërsa ky i fundit mbeti i vrarë, teksa hyri për ta mbrojtur kushëririn e tij.
