Një market në fshatin Golem i Vogël i bashkisë Lushnjë ka rënë pre e vjedhjes gjatë natës. Hajdutët nuk janë mjaftuar me grabitjen e marketit, por kanë vjedhur dhe një autoveturë te një banesë ngjitur me marketin.
Grupi i punës së policisë në vendngjarje po punojnë për të bërë të mundur identifikimin e hajdutëve pasi dyshohet se kanë qenë disa persona.
Në momentin që grupi i punës së policisë ka qenë në vendngjarje, shtetasi Rrapush Lulja kur ka dalë në oborrin e banesës ka vënë re se automjeti i tij mungonte. Hajdutët kanë hyrë duke prerë kyçin dhe e kanë marrë mjetin tip 'Opel'.
Rrapush Lulja pronari i mjetit tregon momentin kur vuri re se mungonte makina në oborrin e banesës.
‘U ngrita unë dhe pash policët aty dhe shoh nuk kisha makinën. Kisha një Opel, kanë prerë kyçine portës. Unë jetojë vetëm në këtë shtëpi’, tha ai.
Policia po heton këtë vjedhje të dyfishtë, ku mallrat e vjedhura në market hajdutët i kanë transportuar me mjetin e vjedhur dhe me automjetin me të cilin kishin ardhur.
