Federata e Futbollit mirëpret finalet e kampionatit europian të 17-veçarëve në vitin 2025, një event madhor që zhvillohet për herë të parë në Shqipëri, në bashkëpunim me UEFA-n. Kombëtarja shqiptare do të përfaqësohet në këtë eveniment me maskotën e saj, që do ta shoqërojë përgjatë gjithë ndeshjeve të EURO 2025. Maskota, një shqiponjë, është një risi e vërtetë për këtë pjesëmarrje të veçantë.
Maskota e Kombëtares u emërtua pasi u sugjeruan disa opsione emrash shqiptarë në rrjetet sociale të Federatës së Futbollit. Pas votimeve të tifozëve në sondazhin online, me shumicë votash u përzgjodh emri Alban.
Albani, i veshur me ngjyrat kuqezi, do të shoqërojë ekipin tonë në përballjet e tij dhe do të sjellë atmosferë pozitive për të gjithë tifozët e pranishëm nëpër stadiumet ku do të zhvillohen ndeshjet.
