Fuqitë botërore kanë reaguar pas rënies së regjimit të Asadit. Sky News shkruan se pas gjysmë shekulli në pushtet, dinastisë së Asadit po i vjen fundi.
Rusia
Vladimir Putin i ka dhënë azil Asadit pasi bazat ushtarake ruse në Siri janë vënë në gatishmëri të shtuar. Zëdhënësi i Putinit, Dmitry Peskov, tha: “Ajo që ndodhi befasoi botën. Në çdo rast, ne nuk bëjmë përjashtim”.
SHBA
"I gjithë komuniteti ndërkombëtar u befasua," tha nga ana e tij sekretari amerikan i Mbrojtjes Lloyd Austin. Ai gjithashtu paralajmëroi se Shteti Islamik mund të përfitojë nga situata ndërsa forcat amerikane kanë nisur sulmet ajrore duke synuar kampet në Sirinë qendrore.
Evropa
Presidentja e Komisionit Evropian, Ursula von der Leyen, tha: “Regjimi i ngurtë i Asadit është shembur. Ky ndryshim historik në rajon hap mundësi të reja, por ka gjithashtu një nivel të rritur rreziku”.
Irani
Sipas Reuters, Irani ka krijuar një linjë të drejtpërdrejtë komunikimi me rebelët në Siri për të shmangur një situatë armiqësore midis dy vendeve.
Izraeli
Benjamin Netanyahu theksoi se rënia e Asadit ishte rezultat i goditjeve të Izraelit ndaj Hezbollahut dhe Iranit.
Franca
“Regjimi barbar ka rënë. Më në fund i bëjmë homazhe popullit të Sirisë, për guximin dhe durimin e tyre”, tha Emmanuel Macron. Franca do të mbështesë tranzicionin politik në Siri duke dërguar një ekip të posaçëm diplomatik në ditët në vijim.
Mbretërisë së Bashkuar
Keir Stermer nënvizoi si vijon: “Sirianët kanë vuajtur nën regjimin barbar të Asadit për një kohë të gjatë. Ne mirëpresim epokën e re pas rënies së tij. Vëmendja jonë tani është e përqendruar në sigurimin e një zgjidhjeje politike dhe rivendosjen e paqes dhe stabilitetit”.
Turqia
Ministri i Jashtëm turk Hakan Fidan tha se Siria e re nuk është një kërcënim për fqinjët e saj.
"Çdo zgjerim i PKK-së kurde nuk mund të konsiderohet legjitim në Siri," shtoi ai.
Gjermania
“Bashar al-Assad ka shtypur brutalisht qytetarët e tij, qëndron pas humbjes së jetëve të panumërta dhe ka bërë që një numër njerëzish të largohen nga Siria, shumë prej të cilëve kanë arritur në Gjermani. Sirianët kanë përjetuar humbje të tmerrshme. Prandaj, fundi i regjimit të Asadit është një lajm pozitiv. Trajtimi i minoriteteve nga rebelët Hayat Tahrir al Sham do të përcaktojë qëndrimin e Gjermanisë ndaj grupit”, tha kancelari Olaf Scholz.
