Era e Ruben Amorim te Manchester United ka filluar me shumë turbullira. Në kampionat, ish-trajneri i Sportingut ende nuk ka gjetur rrugën e duhur për të zgjuar ekipin, që ka rënë në një krizë që duket se nuk ka fund. Ekipi ka luftuar për një barazim kundër Nottingham Forest, por në fund ka pësuar një humbje të rëndë që e ka zhytur në vendin e 13-të në renditje, vetëm 10 pikë mbi zonën e rënies. Protagonisti negativ ka qenë Andre Onana, i cili bëri një gabim të pashembullt.
Në vitin e tij të parë në Premier League, ish-portieri i Interit ishte kritikuar për disa vendime të diskutueshme, por më pas kishte rikuperuar formën me pritje të mira dhe stabilitet, megjithatë ndonjëherë ai vazhdon të bëjë gabime të vjetra.
Amorim flet për gabimin e Onana
Titullariteti i portierit nuk është vënë kurrë në dyshim, ashtu si dhe pozita e tij te Manchester United. Nga tregu, askush nuk ka menduar të sjellë një lojtar të ri, pasi kishte prioritete më urgjente në zona të tjera të fushës. Por Amorim ka bërë një apel për portierin e tij, pa e dënuar atë: “Onana na ka shpëtuar shumë herë. Duhet të gjejmë një mënyrë për të reaguar kur ndodh një gabim. Duhet ta kthejmë situatën për ta ndihmuar portierin tonë, në të njëjtën mëyrë siç na shpëtoi në Ipswich”, tha trajneri.
Lexo më tej: Video/ Onana, ndërhyrja e pakuptimtë dënoi Manchester United me barazim: kthehet portieri gafaxhi
Besimi tek Onana është maksimal, por tifozët nuk mund të mos e vërejnë gafat e vazhdueshme. Ai kundër Nottingham ka bërë një gabim të pafalshëm: portieri nuk arriti të ndalonte një goditje të drejtpërdrejtë nga Gibbs-White, një top mjaft i parashikueshëm dhe plotësisht në trajektoren e tij, të cilin e preku vetëm me gishta ndërkohë që hidhej nga ana tjetër. Një gabim i paqartë që ka rikthyer në vëmendje diskutimet e vjetra në Manchester.
