Policia e Gjirokastrës po mban prej pesë orësh dy autobusë me pasagjerë të ardhur nga Greqia me arsyetimin e kontrabandës së vajit të ullirit dhe stekave me cigare. Por pasagjerët emigrantë shqiptarë janë shprehur të revoltuar pasi policia rajonale e Gjirokastrës nuk u ka dhënë asnjë shpjegim. Gjithashtu autoritetet po ndërmarrin veprime hetimore tek autobusët dhe pasagjerët, të cilët kanë marrë me vete vaj ulliri dhe steka cigareje për përdorim vetjak. Ndërkohë pasagjerët kanë kërkuar që të vijojë udhëtimi drejt destinacionit që kanë. Po ashtu ata thonë se janë vetëm shtatë bidonë vaji dhe katër steka me cigare, kurse aksioni bëhet nga Krimi Ekonomik dhe Antidroga.
