Policia ka finalizuar këtë të enjte operacionin policor të koduar “Double click”, në kuadër të një procedimi penal të SPAK-ut.
Blutë kanë arrestuar 2 vëllezër me qëllim ekstradimin në Itali.
Konkretisht, në pranga janë vënë shtetasit A. S., 32 vjeç, banues në Vlorë dhe Sh. S., 42 vjeç, banues në Tiranë.
Ata akuzohen se kanë kryer mashtrim kompjuterik ndaj shtetasve italianë, prej të cilit kanë realizuar fitime rreth 4 000 000 euro.
Ndaj tyre rëndojnë veprat penale “Mashtrimi kompjuterik”, kryer më shumë se një herë, dhe “Pastrimi i produkteve të veprës penale ose të veprimtarisë kriminale“.
Ndërkohë po vijon bashkëpunimi me partnerët italianë, për ekstradimin e 2 vëllezërve.
