Ministrja e Arsimit, Ogerta Manastirliu ishte thirrur në një interpelancë në parlament për reagimin e institucioneve në rastin e vrasjes së 14-vjeçarit Martin Cani në shkollën Fan Noli, por seanca u ndërpre pas një sherri mes deputetes së PD-së, Ina Zhupa dhe atij të PS-së, Erjon Braçe.
Ishte Braçe që kur iu përgjigj Ina Zhupës e tensionoi debatin për dezinformimin, kur i tha deputetes që vjen në parlament "pa prerë thonjtë", se "nuk di të lexojë", se dezinformon në rastin e vrasjes së Martin Canit dhe në fund duke i thënë se "ngjan me një ruse, por nuk është ruse".
Etiketimi i fundit ka acaruar grupin parlamentar të opozitës dhe Ina Zhupa i është përgjigjur nga foltorja e kuvendit duke e etiketuar Erjon Braçen si "burrec", se nuk u përgjigjet meshkujve me gjatësi nën 1.50 dhe duke e krahasuar me një fëmijë. Në fund, ajo tha se ka një shprehje në këto raste që thotë se "O Erjon t'u rrittë boja, sa shumë m.. të ha goja..". Video më poshtë:
