Një ngjarje e pazakontë ka ndodhur disa ditë më parë në burgun e Rrogozhinës, kur një i dënuar kërkoi dhe mori 4 ditë leje për t’iu bashkuar familjes, por nuk u kthye.
Emri i tij nuk bëhet i ditur, por mësohet se ai ka për të vuajtur edhe 4 vite të tjera burg, teksa kjo nuk ishte hera e parë që merret leje shpërblyese. Dy herët e para ai ishte rikthyer në burgun e Rrogozhinës, ndërsa këtë herë vendosi të arratiset.
Autoritetet Drejtorisë së Burgjeve dhe policia shkuan në banesën e tij pas shkeljes së lejes, por familjarët u thanë që ai nuk ndodhej në banesë, ndërsa hodhën dyshime se ai mund të ishte larguar jashtë vendit. Pas verifikimeve, rezultoi se i dënuari ishte arratisur jashtë Shqipërisë.
