Në minutën e 17' të ndeshjes Fiorentina-Inter, Edoardo Bove u rrëzua papritur në fushë pa ndjenja. Dumfries dhe Calhanoglu ishin të parët që vunë re situatën dhe thirrën stafin mjekësor. Ndërkohë, Cataldi ndërhyri duke i nxjerrë jashtë gjuhën, për të parandaluar bllokimin e rrugëve të frymëmarrjes. Loja u ndërpre menjëherë dhe Bove u dërgua me urgjencë në Poliklinikën Careggi, ku disa orë më vonë rifitoi vetëdijen dhe nisi të merrte frymë normalisht.
Rindërtimi i infarktit në fushë
Sipas raportimeve fillestare, dyshohet për një lëndim nga një përplasje, megjithatë nuk ka ende konfirmime zyrtare. Fiorentina, përmes një komunikate, njoftoi se ekzaminimet e para kardiologjike dhe neurologjike përjashtuan dëmtime akute në sistemin nervor qendror dhe atë kardiovaskular.
Lexo më tej: Video/ Edoardo Bove pëson krizë epileptike në fushë: ndërpritet Fiorentina-Inter
Agjencia ANSA raportoi se pak para incidentit, Bove kishte ndërruar fanellën, duke mbetur për pak momente pa bluzë. Më pas, ai pësoi një përplasje mes kraharorit dhe shpretkës gjatë një dueli me Dumfries. Sipas dëshmive, Bove sinjalizoi pankinën e tij për marramendje. Pak më vonë, ndërsa lidhi këpucët, ai bëri disa hapa, u lëkund dhe më pas u rrëzua pa ndjenja pranë Calhanoglu dhe Dumfries, të cilët menjëherë kuptuan seriozitetin e situatës. Në tribunë, babai i lojtarit, Giovanni Bove, po ndiqte gjithçka i tronditur.
