Media italiane "La Gazzetta di Viareggio" ka publikuar një lajm ku luan me fjalët duke lënë të kuptohet për vdekjen e balerinit të njohur shqiptar, Kledi Kadiu.
Artikulli me titullin provokues: “Lamtumirë Kledi Kadiu, balerini i Amicit largohet shumë shpejt: iku! Ata u përpoqën të bënin çdo gjë”, shkaktoi shumë reagime në rrjetet sociale dhe mes ndjekësve të tij.
Në fakt shkrimi fliste për largimin e balerinit nga programi "Amici" dhe duket qartë se gjithçka është bërë për disa klikime më shumë. Ishte vetë Kadiu që ka reaguar menjëherë dhe me ironi përmes një postimi në “Instastory”.
“Më tregoni se kur do të bëhet funerali, kështu që të kaloj për të bërë një përshëndetje të fundit”, shkruan Kledi në postimin e tij. /LAPSI.al
