Moti i keq në të gjithë vendin me reshje të dendura shiu dhe dëbore ka shkaktuar probleme me qarkullimin rrugor në disa akse.
Policia e Shtetit ka rritur prezencën në akset rrugore urbane dhe rurale, teksa apelon të gjithë drejtuesit e mjeteve që të tregojnë kujdes të madh në lëvizjet e tyre për shkak të motit të keq me reshje shiu dhe dëborë në zonat malore.
Përmes një postimi në faqen zyrtar, në Facebook, policia apelon për kujdes në lëvizje. Të respektohet sinjalistika rrugore, reduktimi i shpejtësisë, pajisja me zinxhirë apo goma dimërore dhe të ndiqen udhëzimet e shërbimeve policore.
Njoftimi i plotë:
Apel për më shumë kujdes gjatë drejtimit të automjeteve dhe motomjeteve.
Shërbimet e Policisë kanë rritur prezencën në akset rrugore urbane e rurale për shkak të motit me reshje shiudhe në disa zona malore me reshje dëbore .
Firmat kontraktore për mirëmbajtjen e rrugëve po punojnë për pastrimin e rrugëve nga bora dhe për shpërndarjen e kripës, si dhe për pastrimin nga rënia e inerteve në zonat me intensitet të lartë të reshjeve të shiut. Deri tani nuk ka asnjë aks rrugor të bllokuar.
Policia Rrugore apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e shërbimeve të Policisë Rrugore.
