Ditën e premte (29 nëntor), vendi ynë do të vijojë të jetë nën ndikimin e kushteve atmosferike të paqëndrueshme për shkak të masave ajrore të lagështa dhe të ftohta me origjinë veriore, sipas SHMU-së. Moti parashikohet të jetë me vranësira dhe reshje shiu të herëpashershme me intensitet të ulët dhe mesatar në formën e shtrëngatave.
Jugu i vendit, në periudha afatshkurtra, parashikohet me reshje me intensitet të lartë, të cilat mund të arrijnë deri në formën e rrebesheve shoqëruar me shkarkesa elektrike.
Në zonën e Alpeve dhe verilindje në lartësitë mbi 700-800 metër, parashikohet për reshje dëbore me intensitet të ulët deri në nivelin mesatar, ndërsa në zonën e juglindjes parashikohet për reshje të dobëta dëbore me intensitet të ulët në lartësitë mbi 1000 metër.
Era do të fryjë me drejtim verilindje – juglindje, me shpejtësi mesatare 2-8 m/sek, ndërsa përgjatë vijës bregdetare dhe lugina me shpejtësi deri në 16 m/s ,shoqëruar me dallgëzim në dete, të forcës 2-4 ballë.
Temperaturat parashikohen:
-në zonat malore 2 deri 8°C
-në zonat e ulëta 6 deri 15°C
-në zonat bregdetare 11 deri 15°C
