Analisti Fatos Lubonja e konsideroi një ekuacion me disa të panjohura vendimin e GJKKO-së për t’i hequr masën e sigurisë “arrest shtëpie” kreut demokrat, Sali Berisha.
Lubonja tha se pyetja e parë që lind është se çfarë ka ndryshuar, kur dukej se ishin të vendosur për ta mbajtur në “arrest shtëpie”.
“Kjo është çështjes gjyqtarësh, apo është marrë një vendim përtej gjyqtarëve, ndoshta politik, duke i thënë nxirreni”, tha Lubonja.
Ai u shpreh se tashmë i ka dalë boja edhe idesë që po të futet në burg një ish-President apo ish-Kryeministër, Shqipëria do të hyjë në BE.
“Ndoshta ky vendim erdhi nga Strasburgu, ku Gjykata Europiane ka caktuar një përshpejtim të procesit”, tha Lubonja.
