Qytetarët e Tiranës janë bërë dëshmitarë të një situate të dhimbshme në rrugët e kryeqytetit paraditen e sotme kur një grua që shiste perime në rrugë është ndaluar nga dy policë të bashkisë së Tiranës.
Pasi e kanë ndaluar, dy policët i kanë marrë mallin për t'ia sekuestruar, ndërsa gruaja ka shpërthyer në lot duke bërtitur "është gjaku im, malli im! Jam me qira!" dëgjohet të thotë ajo, ndërsa policët mbyllin mallin në bagazhin e makinës. Video u shpërnda nga këshilltari bashkiak, Tedi Blushi, që e quan këtë një krim të neveritshëm.
