Gjendet thika me të cilën dyshohet se u vra 14-vjeçari Martin Cani të hënën e 18 Nëntorit në kryeqytet, pas një sherri në shkollën "Fan Noli".
Mbrëmjen e së premtes u njoftua se arma e ftohtë është gjetur nga një kalimtar pranë zonës së “Rrugës së Elbasanit”, pranë Gjykatës së Apelit së Tiranës.
Bashkë me armën është gjetur edhe çanta e shkollës e 14-vjeçarit të dyshuar si autor i krimit, i cili sot mori masën e sigurisë "arrest me burg" nga Gjykata. Mister mbetet vetëm celulari i tij.
"Në vijim të informacionit të dhënë për ngjarjen e ndodhur në afërsi të shkollës "Fan Noli", ditën e sotme, në afërsi të ATSH-së, në rrugën "Fadil Rada" është gjetur mjeti prerës (thika) që autori dyshohet se ka përdorur gjatë ngjarjes" - thuhet në njoftimin e policisë.
Gjykata e Tiranës, seksioni i të miturve, dha sot masën e sigurisë ‘arrest me burg’ për 14-vjeçarin e arrestuar si autor të vrasjes me thikë të Martinit. ©LAPSI.al
