Edhe pse është tërhequr nga garat profesionale, Mo Farah nuk i ka varur ende këpucët në gozhdë. Këtë e dinë mirë hajdutët që tentuan të vjedhin telefonin e tij, por që pas një ndjekjeje të shpejtë, u detyruan ta kthejnë telefonin te pronari i ligjshëm.
Incidenti, shkruan sot Daily Mail, ka ndodhur disa javë më parë, kur ish-atleti britanik (fitues i katër medaljeve ari olimpike në 5000 dhe 10000 metra) kishte vendosur të bënte jogging me gruan e tij, Tania, pranë shtëpisë së tyre në Surrey, në jug të Londrës. Ai e kishte lënë telefonin e tij mbi një mur brenda pronës së tij për të mundësuar një vrapim më të lirë. Posa ka kaluar pak kohë, Farah ka vënë re një furgon të bardhë që ndaloi pranë telefonit. Një burrë doli prej tij, mori telefonin dhe është larguar me shpejtësi. Farah nuk ka hezituar asnjë moment dhe e ka ndjekur furgonin, duke e arritur për pak sekonda dhe duke i kërkuar që t'ia kthenin telefonin.
Lexo më tej: Atletika e shokuar nga ngjarja e rëndë: kampioni Benjamin Kiplagat theret me thikë në Kenya
Megjithatë, sprinti i atletit nuk ka mbyllur çështjen, pasi Sir Mo, i nderuar me titullin "Cavalier" nga Mbretëresha Elizabeta në vitin 2017, ka bërë një kallëzim për shkeljen e sigurisë në pronën e tij, që ka roje të sigurisë 24 orë në ditë. Policia britanike ka njoftuar se ka hapur një hetim për këtë ngjarje.
