Pau Cubarsí është mirë dhe ndoshta do të jetë ndër të grumbulluarit e Barcelonës për ndeshjen e së dielës në La Liga. Megjithatë, ai ka kaluar një frikë të madhe për shkak të dëmtimit të pësuar gjatë ndeshjes së Champions League kundër Crvena Zvezda. Pamjet e shpërndara pas ndeshjes tregojnë fytyrën e tij të gërvishtur në disa vende dhe 10 qepje të aplikuara në pjesën e poshtme të fytyrës, pranë mjekrës, për të trajtuar plagën e shkaktuar nga ai kontakt brutal.
Frika e madhe nga goditja në fytyrë: doli nga fusha i përgjakur
Kur shokët e skuadrës panë fytyrën e tij të përgjakur, ata mbetën të shokuar dhe njoftuan menjëherë stolin, duke kërkuar madje zëvendësimin e tij (një situatë që rriti shqetësimet për gjendjen e lojtarit). Dëmtimi ishte pasojë e një ndërhyrjeje me taka nga kundërshtari, Uros Spajic, i cili nuk kishte fare ndërmend të tërhiqte këmbën për t’i marrë topin lojtarit të Barcelonës. Pavarësisht ashpërsisë së gjestit, ai u ndëshkua vetëm me karton të verdhë.
[video width="1280" height="720" mp4="https://cdnimpuls.com/lapsi.al/wp-content/uploads/2024/11/cubarsi.mp4"][/video]
Pse autori i faullit ndaj Cubarsí nuk u përjashtua?
Pyetja që ngrihet vetvetiu është pikërisht kjo: pse Spajic nuk u përjashtua? A nuk ishte rasti për një “ndërhyrje të cekuilibruar”? Jo, të paktën sipas gjykimit të arbitrit norvegjez, Espen Eskas. Ai e cilësoi këtë episod si “beglizhencë” dhe zgjodhi “pamaturinë”: për arbitrin skandinav, lojtari i Crvena Zvezda veproi me pakujdesi ndaj rrezikut ose pasojave për kundërshtarin, por pa e tepruar me përdorimin e forcës së nevojshme, prandaj e ndëshkoi vetëm me karton të verdhë. Përndryshe, ai do ta kishte ndëshkuar atë faull me karton të kuq.
Gjendja pas dëmtimit
Cubarsí bëri një gjest që i qetësoi të gjithë. Talenti i ri katalanas la fushën i vetëm: në dorë mbante një pecetë të cilën e mbante mbi fytyrë për të ndaluar gjakun në pritje të marrjes së kujdesit mjekësor. Fjalët e trajnerit, Hansi Flick, i qetësuan të gjithë: ajo përplasje në lojë, për fat, nuk ka lënë pasoja më të rënda se ato që duken. Cubarsí u dëmtua, por ia hodhi dhe nuk do të ketë nevojë për ndalesë për t’u rikuperuar".
