James Van Der Beek, i njohur për rolin e tij kryesor si Dawson Leery në serialin Dawson’s Creek ka zbuluar se është diagnostikuar me kancer në zorrë.
Në një intervistë për revistën People theksoi se ka arsye për të qenë optimist dhe se ndihet mirë.
“Jam diagnostikuar me kancer të zorrës së trashë dhe po e përballoj këtë situatë larg syrit të publikut duke marrë masat e nevojshme, me mbështetjen e familjes sime. Kam arsye për të qenë optimist dhe ndihem mirë”, tha Van Der Beek.
James vazhdon të punojë në televizion dhe film, dhe së fundmi u shfaq në serialin “Walker” (rifillimi i serialit “Walker, Texas Ranger”) në rrjetin amerikan The CW.
Aktori , do të shfaqet gjithashtu në shfaqjen e ardhshme të Fox The Real Full Monty, në të cilën burra të famshëm zhvishen me qëllim rritjen e ndërgjegjësimit dhe forcimin e kërkimit mbi kancerin.
