Historiani Alan Lichtman, është bërë i famshëm në SHBA për analizën e tij "13 Çelësat e Shtëpisë së Bardhë". Me këtë analizë, ai ka bërë nëntë parashikime të sakta për fituesin e zgjedhjeve në 10 garat e fundit në SHBA.
Lichtman është shprehur se Kamala Harris do të fitojë zgjedhjet e ardhshme.
Duke përdorur analizën e tij "13 Çelësat e Shtëpisë së Bardhë", Lichtman vlerëson 13 kategori specifike.
Lexo më tej: Krahasimi/ Qasjet e ndryshme të Trump dhe Harris për Shqipërinë dhe Ballkanin
Sipas analizës së tij, Harris ka një avantazh me 8/13 kategoritë, krahasuar me tre të Presidentit Donald Trump. Ai pranoi dhe mundësinë për të gabuar, por i përshkroi këto si të pamundura.
Çilat janë “13 çelësat e Shtëpisë së Bardhë”?
Lichtman ka krijuar sistemin e parashikimit të zgjedhjeve presidenciale duke përdorur trembëdhjetë çelësa “të vërteta ose të gabuara”.
Këtë vit, nga 13 çelësat, të paktën tetë favorizojnë Harris. Kur më pak se pesë çelësa (“kritere”) janë false, pritet të fitojë kandidati i partisë në pushtet. Kur më shumë se gjashtë janë false, kundërshtari pritet të fitojë.
E vetmja herë që dështoi ishte në zgjedhjet e vitit 2000, kur George W. Bush mposhti ngushtë Al Gore.
Metoda e Lichtman, së bashku me vlerësimin e tij për çështjen Harris, përfshin 13 pikat e mëposhtme:
– Pas zgjedhjeve afatmesme, partia qeverisëse mban më shumë vende në Dhomën e Përfaqësuesve të SHBA-së sesa pas zgjedhjeve të mëparshme të ndërmjetme. (E rreme)
– Nuk ka konkurrencë serioze për nominimin e partisë në pushtet. (E vërtetë)
– Kandidati i partisë në pushtet është presidenti në detyrë. (E rreme)
– Nuk ka asnjë pretendent të rëndësishëm të palës së tretë. (E vërtetë)
– Në afat të shkurtër ekonomia është e fortë. (E vërtetë)
– Rritja ekonomike afatgjatë është po aq e mirë sa dy mandatet e fundit. (E vërtetë)
– Partia e Shtëpisë së Bardhë ka bërë ndryshime të mëdha në politikën kombëtare. (E vërtetë)
– Nuk ka trazira të qëndrueshme sociale gjatë mandatit. (E vërtetë)
– Administrata dhe partia e Shtëpisë së Bardhë nuk janë njollosur nga skandali (E vërtetë)
– Administrata aktuale nuk ka pësuar ndonjë dështim të madh në çështjet e jashtme apo ushtarake. (Ka tendencë të jetë false)
– Qeveria aktuale arrin sukses të konsiderueshëm në çështjet e jashtme ose ushtarake. (Ka tendencë të jetë e vërtetë)
– Kandidati i partisë në pushtet është karizmatik ose hero kombëtar. (E rreme)
– Kandidati i partisë joqeveritare që kandidon për presidencën nuk është karizmatik apo hero kombëtar. (E saktë)
Për më shumë se 42 vjet, Lichtman ka parashikuar rezultatet e zgjedhjeve me saktësi të lartë. Ai theksoi se sistemi i tij, i bazuar në tregues objektivë dhe sasiorë, ka qenë vazhdimisht i besueshëm. “Parashikimet e mia i kanë qëndruar provës së kohës, treguesit e mi kanë qenë gjithmonë të drejtë”, tha ai.
